Við erum afar stolt af því að hljóta nafnbótina besta bílaleigan á Íslandi 2021 samkvæmt World Travel Awards. Og sérstaklega gaman að segja frá því að þetta er í fjórða sinn sem við njótum þessa heiðurs á fimm árum. Er þetta í 28. skiptið sem verðlaunin eru veitt á heimsvísu.
![](https://www.hertz.is/is/media/2021/11/HOPUR_3685_3-1024x870.jpg)
Úrslitin voru að þessu sinni tilkynnt á vef W.T.A. í skugga heimsfaraldurs.
Við erum afskaplega þakklát fyrir að hljóta þessi verðlaun og frábært að fá að taka við þeim í fjórða skiptið. Undanfarin tvö ár hafa verið sérkennileg fyrir okkur öll, það er því einstaklega kært að hljóta verðlaunin núna og við sjáum þau sem mikið klapp á bakið fyrir allt okkar starfsfólk, sem hefur staðið sig gríðarlega vel á krefjandi tímum.
![](https://www.hertz.is/is/media/2021/11/wta500x170-1.jpg)
Frá árinu 1993 hafa World Travel Award hafa verið veitt framúrskarandi ferðaþjónustufyrirtækjum um allan heim og árið 2017 var flokki bílaleiga bætt við flóruna og varð Hertz fyrst bílaleiga á Íslandi til að hljóta titilinn.
Í ár voru veitt verðlaun í ellefu flokkum hérlendis, þar sem Hótel Borg, Ion Adventure Hótel, Hótel Rangá og Guide to Iceland voru meðal þeirra sem hlutu verðlaun.