Sæktu um vinnu hjá Hertz bílaleigu

Hertz bílaleiga er leiðandi og framsækið fyrirtæki í ferðaþjónustu sem hefur verið starfandi í rúmlega fjörtíu ár. Fyrirtækið einsetur sér að bjóða viðskiptavinum sínum örugga og nýlega bíla ásamt því að veita viðskiptavinum góða þjónustu.

Það er viðhorf stjórnenda og eigenda Hertz að gott starfsfólk sé helsta auðlind fyrirtækisins og lykillinn að velgengni þess. Því er mikilvægt að byggja upp fjölbreyttan hóp starfsmanna sem býr yfir ólíkri reynslu, þekkingu og hæfileikum.

Hertz er krefjandi vinnustaður þar sem samvinna er lykillinn að góðum árangri. Starfsfólk Hertz er hvatt til að sýna frumkvæði, axla ábyrgð, læra nýja hluti, koma með hugmyndir og sýna það besta sem í því býr.

Fylltu inn eftirfarandi upplýsingar til að sækja um atvinnu hjá Hertz bílaleigu. Athugið að ferilskrá með mynd verður að fylgja umsókninni.

Varðandi meðferð umsókna og meðhöndlun þeirra:

  • Farið er með fyrirspurnir og umsóknir um störf sem trúnaðarmál.
  • Umsóknum um auglýst störf er svarað þegar búið er að ráða í starfið.
  • Umsóknarferlið tekur að jafnaði um 4-6 vikur frá því að starf er auglýst.
  • Almennum umsóknum er ekki svarað sérstaklega og þeim eytt að 3 mánuðum liðnum.

Atvinna í boði

Umboðsmaður á Höfn í Hornafirði.

30. júní 2020 – Umboðsmaður Bílaleigu Flugleiða ehf / Hertz á Höfn í Hornafirði.

Óskað er eftir aðila til að taka að sér starf umboðsmanns Hertz á Höfn í Hornafirði og nærliggjandi markaðssvæði og reka þar bílaleigu með bílaflota sem Hertz útvegar skv. samningi þar um.

Um er að ræða að bjóða viðskiptavinum Hertz góða og örugga þjónusti við útleigu bílaleigubíla á svæðinu. Umboðsmaður þarf að uppfylla allar skyldur sem felast í því að starfrækja bílaleigu samkvæmt stöðlum Hertz / Bílaleigu Flugleiða ehf og lögum um starfsemi bílaleigu.

Ábyrgð umboðsmanns er að gera leigusamning um hverja leigu, taka á móti bílum og leigja út bíla á umsömdum tíma og stað hverju sinni. Sjá til þess að bílar sé þrifnir, fylltir af eldsneyti og að öryggiskröfum sé mætt ásamt því að fylgjast með að viðhaldi  bílaflotans sé sinnt í samvinnu við flotastjóra og verkstæði Hertz.

Leitað er að þjónustulunduðum einstaklingi með þekkingu á rekstri fyrirtækja, bifreiðum og hefur yfir ríkri þjónustlund að ráða. Er tilbúinn til að koma fram sem fulltrúi þessa heimsfræga vörumerkis af ábyrgð, heiðarleika í garð starfsmanna Hertz og viðskiptavina.

Góðir tekjumöguleikar fyrir réttan aðila. Umboðslaun og fastur kostnaður er greiddur og önnur fríðindi samkvæmt umboðsmannasamningi.

Sendu umsókn á atvinna@hertz.is eða fylltu út formið hér að neðan.


Fill out my online form.